---

Ang Pinaniniwalaan ng mga Bahá’í

---

Ang Mga Gawain ng mga Bahá’í

Buod ng Bahaging ito

Pagtugon sa Panawagan ni Baha’u’llah

— Buod ng Bahaging ito

— Lumalakad sa Isang Espirituwal na Landas

— Ang Pag-unlad ng isang Pandaigdigang Pamayanan

— Ang Training Institute

Madasaling Pamumuhay

Pamumuhay ng Pamilya at Mga Bata

Mga Kabataan

Kakayahan ng mga Institusyon

Pakikilahok sa Buhay ng Lipunan

Isang napakahalagang konsepto sa mga Katuruang Baha’i na ang pagpapabuti ng sariling panloob na kaugalian at ang paglilingkod sa sangkatauhan ay mga aspeto ng buhay na hindi maipaghihiwalay. Sa isang liham na isinulat sa ngalan ni Shoghi Effendi ay nakasaad:

Hindi natin maihihiwalay ang puso ng tao mula sa kapaligiran sa labas natin at sasabihing kapag ang isa sa mga ito ay nagbago na ang lahat ay mapapabuti. Ang tao ay likas sa daigdig. Ang kaniyang panloob na buhay ay humuhubog sa kapaligiran at malalim ding naapektuhan nito. Ang isa ay nagkakabisa sa kabila at ang bawat namamalaging pagbabago sa buhay ng tao ay bunga nitong magkatapat na reaksyon.

Kaugnay nito, pinahahalagahan ng mga Bahá’í ang pag-iral ng dalawang layuning napakahalaga sa kanilang buhay: ang pag-asikaso sa kanilang sariling espiritwal at pangkaisipang pag-unlad at ang pagtulong sa pagbabago ng lipunan.

Ang dalawang layuning ito ay tumutulong sa paghubog sa mga pagsisikap ng mga Bahá’í sa lahat ng larangan. Sa gayon, halimbawa, hindi lamang sila inaasahang manalangin at magnilay-nilay araw-araw sa kanilang personal na buhay, kundi ay gumawa rin ng mga pagsisikap upang mapuspos ang kanilang kapaligiran ng madasaling diwa; hinihiling sa kanilang hindi lamang palalimin ang sarili nilang kaalaman tungkol sa Pananampalataya, kundi ay ibahagi rin sa iba ang mga turo ng Bahá’u’lláh; hindi lamang sila pinapayuhang matutong paglabanan ang mga udyok ng pagkamakasarili sa kanilang sariling buhay, kundi ay sikapin din, taglay ang lakas-loob at pagpapakumbaba, upang baligtarin ang mga gawi ng isang kulturang pinupuri ang pagpaparaya sa sariling kagustuhan at pinahihina ang mga pundasyon ng pagkakaisa.

---

Ano ang mga pangangailangan? Pag-ibig para sa sangkatauhan, katapatan sa lahat, ipinakikita ang pagkakaisa ng daigdig ng sangkatauhan, kawanggawa, nagniningas sa apoy ng pag-ibig sa Diyos, pagtatamo ng kaalaman sa Diyos at yaong nakatutulong sa mabuting kalagayan ng tao.

— ‘Abdu’l-Bahá